संपादक राहुल हौसलमल पोलीस क्राईम न्यूज 24 लाईव्ह न्युज
धाराशिव दि,७/११/२०२४शिंदे गटातील प्रमुख माजी नगरसेवकांचा ठाकरे गटात प्रवेश,एकनाथ शिंदेच्या दौऱ्याच्या पूर्वसंध्येचा साधला मुहूर्त
कळंब ता. 7: मुख्यमंत्री एकनाथ शिंदे यांच्या (ता. आठ) रोजी जिल्ह्यात प्रचार सभा होणार आहेत. त्यांची धाराशिव मध्येही सभा आहे. तिथेच कळंब शहरात शिंदे गटाला मोठा धक्का दिला आहे. माजी नगराध्यक्ष सुवर्णा मुंडे यांचे पती तथा माजी नगरसेवक सागर मुंडे यांच्यासह आठ माजी नगरसेवकानी ठाकरे गटात जाहीर प्रवेश केला. जिल्हाप्रमुख तथा आमदार कैलास पाटील यांच्या उपस्थिती मध्ये हा प्रवेश करण्यात आला. आयात उमेदवार दिल्यानं शिंदे गटात मोठी खदखद पाहायला मिळत आहे. त्याचा परिणाम देखील दिसू लागला आहे. प्रमुख मंडळींनी ठाकरे पक्षात प्रवेश केल्यानं त्याची चांगली चर्चा मतदार संघात सुरु झाली आहे. मुख्यमंत्री शिंदेच्या सभेच्या आदल्या दिवशीच असा धक्का देत आमदार कैलास पाटिल यांनी सभेची हवाच काढून घेतल्याच दिसून येत आहे. यावेळी सागर मुंडे, माजी नगरसेवक नंदू हौसलमल, बाबूभाई बागरेचा, शंकर वाघमारे, शफिक काझी, मनीष पुरी आदी सह त्यांच्या शेकडो कार्यकर्ते यांनी प्रवेश केला.
Leave a Reply